زانیار كوردستان – جواد شەریفی

زانیار كوردستانم

كوردم و كورد زووانم

كاوه باپیر منه

زه‌هاک ئه‌سیر منه

پێنۊسه‌گه‌م  تێشه‌مه

رێ فه‌رهاد پێشەمه

ئاره‌ش كه‌مانگیرمە

دیاكووه باپیرمە

كه‌مان ئاره‌ش هه‌ڵگرم

جه‌رگ دژمن پێ بڕم

هه‌ناێ وه‌چانێ ده‌ر كه‌م

تاقوه‌سان وه سه‌نگه‌ر كه‌م

تاقوه‌سان سه‌نگه‌رمه

كرماشان له‌نگه‌رمه

وه‌ک نه‌‌كیسا موور تیه‌رم

وڵاتێ وه ‌شوور تیه‌رم

باربود ئه‌راێ م ژه‌نێ

نه‌كیسا وه‌لێا خوه‌نێ

بێستۊن هه‌ر هازمه

شاهوو شانازمه

ئاویه‌ر رێ نازمه

داڵاهوو جی رازمه

ته‌مۊره هه‌ر سازمه

هووره هه‌ر ئاوازمه