هساره
لە ئەو رووژە، ک دەلیا بۊن چەوەیـــلد
چــــراخ مــاڵ تـەنیـــا بــــــۊن چـەوەیــــــــلد
چە گووشەماسی چەرمێ جەمەو بۊد
چەنێ سووڵی لە ئاو دەلیا کەمەو بۊد
مـــەل دەلیائییگ پەشتیاۊدە مـــــەوجـا
پراشەێ مەوجەگان سەر ناۊنە ئەوجا
م بێکەس‌تر لە ت ئەو ساڵە کەس نەیم
دڕا بـــــۊدن دەســـــد ئەما م دەس نەیم
ئەسیــــر بێدەنگ دەلیاۊن چـــەوەیــــــلد
ئەزیــــــز م چەنـــــێ تەنیــــاۊن چەوەیلد
م زانــــــــم جـــــــور ت تەنیــــــا مــــــریمــــن
وە کام وشـــــــک لە لـــــۊ دەلیا مـــریمـــن
لە قـــــۊلاێ ئاو دەلیـــاگان نیـــەترسیم
لە ماســـی راز دەلیاگان نیــــەپرسیــــم
