هساره
سازکردن : داریووش مورادی
خاتو جانجانی وێڕای پیرۆزبایی بە بونەی دانانی ئەو پیشانگایە خۆتان بە خوێنەرانی هسارە بناسنن
سڵام دێرم وە خزمەت خانەندەیل هسارە . پەرییا جانجانیم متەوەلد ۱۳۶۸ هەتاوی لە شار کرماشان، فەوق لیسانس نەقاشی دێرم .
تکایە سەبارەت بە کارەکانی ئەم پیشانگایە تەوزیهێک بۆ خوێنەرانی هسارە بفەرمون
ئێ کارەیلە یەکمین رویکەرد وە یەکمین نەمایشگاه ئنفرادی بۊ . م ساڵهاست نەقاشی کیشم هە لە دەوران ئبتدایی تا ئێرنگە، وەلی وە شێوەێ جدی لە ساڵ ۱۳۸۷ ک لە دانشگاه قەبوول بۊم دەس وەپێ کردم .
یەکمین نەمایشگاه ئنفرادییم تەی یک جەریان ک وەل یەێ دوست عەزیزا ئاشناوە بۊم شکڵ گرد . چۊن خوەم کرماشانی بۊم و ئیشانیش کرماشانی بۊ تەسمیم گردیم لە بان فەرهەنگ کورد کەڵهوڕ کار بکەیم . چۊن فەرە وەخت ک لە ناو ئینترنت یا دنیاێ واقعی ناو کوردەیل بەن هەمیشە کوردەیل وە کوردەیل سەنەندەج ، مەهاباد ، سەقز و ….. شناسن ، لباس ئەوان بیشتر شناسن مەمولەن کەسێگ کورد کەلهوڕ کرماشان نیەناسێ ، کەسێ نیەزانێ لباس کورد کەلهوڕ کرماشان چوەێگە ، سەروەنێگ ک دێرێ هن کوردەیل کرماشانە یا سنە ؟. هەدەف ئەسڵی م یە بۊ ک بتۊیەنم کوردەیل کەلهوڕ، وە مەردم شار خوەم نیشان بەم تا شاێەد بتۊیەنێ کومەک بکەێ وە مەردم خوەمان ک ئەو چشتەیلە ک فەرامووش بۊیە جور لباس و سەروەن، ….. وە هۊر بارن . یەکی لە ئەو کارەیلە ک کردمە یەسە ک تەنیا لە بان دڵنگەیل ژنەیل کورد کار کردمە بیشتریش وە خاتر یە ک وە نەزەرم ژنەیل فەرە جییەیل یەی سەهم فەرە گەورا داشتنە ک شاێەد پیایلیش نێیاشتنە ناو زەمان جەنگ تا ئەلان . وە هیچ وەخت ئەوجورە کە باێەد نیشان نێیانە یا خوەێان پێیا نەکردنە هاڵا ب واستەێ پێیا یا فەرهەنگمان یا قەیرەتمان یا هەرچێگ بوود . وەلی وەتم یە ئەوەڵین چشتێگ بوود ک ژنەیل بتۊیەنن خوەێیان نیشان بەن، زیباییان نیشان بەن، لباسێیان نیشان بەن . وە ئێ زیبایی و لباسێیانە وە نەزەر م نیشانەێ فەرهەنگ پیایلیش هەس یانێ ئەوانە یەێ جورێ پیاێ خوەێیانیش مارفی کەن .
دەستتان خۆش بێت . کراسی ژنانی ئەم ناوچە لە کوردستان تا چ رادەیک لە گەڵ کراسی ژنان لە ناوچەکانی تری کوردستاندا جیاوازیی هەیە ؟
هاڵا تەعەسوبە هەرچێ بوود لباس ئیمە یەێ جورتر قەشەنگە. چۊن لباس ئیمە ئێ گوڵوەنییە ک دێرێ ئێ سەروەنە ک دێرێ لە سنە وەرەو ئەولا لە لێ نییە . گوڵوەنی ئیمە جور یەێ تاجێگە ئەڕای ژنەیل کورد یەێ ئۆبۆهەتێگە م یەێ تابڵووێگ دێرم ناوێ نازدار نامە ک ژنێگە دەس ناسە کەمەر خوەێ، یەێ جورێ وە غورور دێرێ خوەێ موعەڕفی کەێد وە نەزەر م شەکیلتر خوەێ موعەڕفی کەێد .
بە رای جنابت ئەو پیشانگایە تا چەند سەرکەوتوو بووە لە ناساندنی جل و بەرگی کوردی ئەم ناوچە ؟
وەلا ئەوجورە ک خوەم بتوام تەفسیرێ بکەم دەرواقە رازی بۊم هونەرمەندەیل فەرە عەزیرێگ هاتن سەردان مەردمیش خوب ئستقباڵ کردن .سەعی کردم یەێ جورێ کار بکەم ک هەر کەسێگیش ک تەخەسوسێگ لە ناو هونەر نەێرێ وەختێ دۊنێدان لە زیبایێ لزەت بووەێ .ئومیدوارم ک مەردۆمیش رازی بۊن
بە رای ئێوە جل و بەرگی ژنانی ئەم ناوچە توشی قەیران بووە و تەنیا دەبێت لە ناوی نەمایشگاکاندا بیانبینین ؟
وەلا م خوەم ئەڵان ئێ قەدەم ئەوەڵە ئەڵگردم ک رێ یەێ هەمچین چشتێ واز بکەم . م خوەم لە ناو نەمایشگا لباس کوردی کەڵهوڕی کردمە وەر وە ئفتخاریش کەم هە وەل ئێ لباسا بچمە دەیشت . م توام ئێ نەمایشگاە بووەمە تهران ک لە ئەوریشە هە ئێ لباسەیل کوردیە کەمە وەر . وە فکر کەم ک ئێ تەوانای و قابڵییەتە دێرێ وە مەردم ئستقباڵ کەن وە خوەشێیان تێد چۊن لباس کوردی یەێ چشت ترە وە باعس شاد کردن روهییەێ مەردم بوودن .
دەبێ چی بکرێت بۆ هەرچی زیاتر ناساندنی فەرهەنگی کوردی بە خەڵکی شاری کرماشان ؟
وە نەزەر م یەکێ لەو چشتەیلە ک بسیار موهمە زووانە ، دیریم زووانمان لە دەس دەیم کوردی وەل یەکترەکییا قسیە نیەکەیم . م لە مناڵی باوگ داڵگم وەلما کوردی قسیە کردن ، هە دوسەیل کورد خوەم وەختێ م دین وەتن ” ت کوردی قسیە کەی ؟ ! ” م یە زووانمە، فەرهەنگمە م چۊ وە زووان خوەم قسیە نەکەم، م ئێجوورە گەورا بۊمە
یەکێ لە چشتەیل موهم یەسە ک دی باوگ داڵگەیل وەل مناڵێیانا کوردی قسیە نەکەن ، خو رەفتە رەفتە دی نەسڵ بەعد کوردی نیەزانێ وە کولەن زووان کوردی لە دەس چوود . ئەوەڵین قەدەمێ یەسە ک وەل مناڵەیلمانا کوردی قسیە بکەیم وە فەرهەنگ قەشەنگ خوەمان نیشانێیان بەیم تا لە دەس نەچوود ،
زۆر سپاسی بەرێزتان دەکەین بۆ وتووێژە لە گەڵ هسارەدا
منیش مەمنوونم لە لیدان ئومیدوارم مووەفەق بۊن وە سپاسگزاری کەم بابەت ئێ موساحبە
