هساره
کووکردنەوە : شارام ئەکبەری
هسارە – بازی کوردی به‌شێگه له فه‌رهه‌نگ کورد بێگومان هه‌ر کوومه‌ڵگاێگ له دنیا له به‌ش بازی کردن مناڵه‌یل ئڕا خوه‌ێ قسیه‌یلێگ دێرێد. وڵات کوردستان وه تایبه‌ت ناوچه‌ێ که‌ڵهۆڕ له به‌ش بازی کردن خاون بازیه‌یل فرەێگه وه تۊیه‌نیم بۊشیم ناوچه‌ێگ ده‌وڵه‌مه‌نه له ئه‌ێ بابه‌ته.له نیشتمان کوردستان بازیه‌یلێگ کریه‌ێد زوورم وه سه‌ردی و گه‌رمی ناوچه یا ده‌یشته بۊین یا کۊیه و که‌ش بۊن ئه‌و وڵاته‌گ کورد له ناوێ مه‌زریاس خریه‌ێده‌و ڕێ. بازیه‌یل کوردی له ناو مێژوو و دڵ تاریخ کوردییا تیه‌ێد وه زوورمێیان ئڕا ته‌ندرستی له‌ش و ژیان خه‌ڵک کورده .ئڕا یه‌گ زێاتر ئه‌ێ بازیه‌یل کوردی وڵاتمانه بناسیم گله گله شییان که‌مه‌و.
زه‌ڕه مێشته‌کی : ئه‌ێ بازییە یه‌ێ گله کوچگ بۊچگ یا نخه یا هه‌ر چیشتێگ له بن قه‌پاڵ جیێ بووده‌و تواێد، د که‌س یا چوار کەس …. له واراێوه‌ر یه‌ک وسن یه‌کێگ له لێیان هه‌ر د ده‌س به‌ێده‌و پیشت خوه‌ێ وه کوچگه‌گه( زەڕەگە ) له ناو له قه‌پاڵ خوه‌ێ شارێده‌و وه له نوو ده‌س تیه‌رێده‌و ئه‌وه‌گ ها رۊیەرۊێ باێه‌د بۊشد ک زەڕەگە ها ناو کام قه‌پاڵێ.
