هساره
هسارە – بازی کوردی به‌شێگه له فه‌رهه‌نگ کورد بێگومان هه‌ر کوومه‌ڵگاێگ له دنیا له به‌ش بازی کردن مناڵه‌یل ئڕا خوه‌ێ قسیه‌یلێگ دێرێد. وڵات کوردستان وه تایبه‌ت ناوچه‌ێ که‌ڵهۆڕ له به‌ش بازی کردن خاون بازیه‌یل فرەێگه وه تۊیه‌نیم بۊشیم ناوچه‌ێگ ده‌وڵه‌مه‌نه له ئه‌ێ بابه‌ته.له نیشتمان کوردستان بازیه‌یلێگ کریه‌ێد زوورم وه سه‌ردی و گه‌رمی ناوچه یا ده‌یشته بۊین یا کۊیه و که‌ش بۊن ئه‌و وڵاته‌گ کورد له ناوێ مه‌زریاس خریه‌ێده‌و ڕێ. بازیه‌یل کوردی له ناو مێژوو و دڵ تاریخ کوردییا تیه‌ێد وه زوورمێیان ئڕا ته‌ندرستی له‌ش و ژیان خه‌ڵک کورده .ئڕا یه‌گ زێاتر ئه‌ێ بازیه‌یل کوردی وڵاتمانه بناسیم گله گله شییان که‌مه‌و.
هشارهشار: وشه‌ێ هشار له زوان کوردی وه خوه‌ێ ئه‌وشاردن ئۊشن هه‌ر چیشتێگ بشاریده‌وه‌ی وه پێ هشار ئۊشن. به‌ش داره‌یل ئه‌ێ بازییه هه‌رچه‌ن که‌سێگ تۊیه‌نێد بوودن. یه‌ێ گلە له مناڵه‌گان چوود له جیێگ بان چه‌و گرێد وه شێعرێگ خوەنێدن یا له یه‌ک شمارێد تاگەر دا به‌هه‌رحاڵ قه‌د ده‌قه‌ێگ چه‌و به‌سێد تا ئه‌و دۊیای مناڵه‌گان خوەێیان بشارنه‌و له دۊیای شێعر یا هه‌ر چیشتێگ ئۊشید چه‌و وا که‌ێد وه چه‌و گل ده‌ێد تا بزانێد له کوو خوه‌ێیان شاردنه‌سه‌و له شونێیان چوود وه منه‌ی کردنێیان هه‌ر کامێیان بۊنێده‌و کچیه‌ێد یا سزیه‌ێد.منه‌ی که‌ێد تا گیشتێان بۊنێده‌و ئه‌گه‌ر که‌سێگ له مناڵه‌گان وه دزیه‌و بچووده شونه‌گه‌ێ ئه‌و به‌ڕێزه‌گ چه‌و به‌ساس وه نه‌ۊنێده‌ێ بایه‌د له نوو چه‌و بوه‌سێد تا خوه‌ێیان بشارنه‌و.
