ماڵپەڕی هسارە / ئەدەبیات / شێعر / شێعرنوو / هەناێ…… – ئاکو جەلیلیان

هەناێ…… – ئاکو جەلیلیان

 

یه شێعر نییه؛ ئاوه‌خته‌یل نه‌وه‌كام رێوارێگه

یه مه‌ته‌ڵ نییه هۊرمانه‌یل سه‌رده‌مانبێ بنێگه 

هه‌ناێ له زاكان[۱] گورگ و مێش سوو، په‌پریک[۲] هه‌راڵه‌ێگ چه‌قێدو

                                   مزگانی ژیانه‌وه‌ێگ ئغ‌ئوو كه‌ێد

     یا له ئێوارگان ک ده‌نگئاواشه[۳] له ئاوشدنیا ئاوێشته[۴] بوو

                                                            هۊرت كه‌م

هه‌ناێ په‌لكیسێگ په‌ری په‌ێكه‌رێگ گووش[۵] كه‌ێد

                                یا لاوه‌لاوه‌ێگ وه گالووره لوورنێد

                                                           خه‌وت دۊنم

هه‌ناێ هێڵ[۶] سوورێگ سوورتر و سووڵتره‌و بوو

           یا ئاڵاێگ له سه‌ر تاكه یاڵ سنوورێگ سه‌ره‌تاتگی كه‌ێد‌و

                                         مزگانی سه‌رفرازی ده‌ێد

                                                           ناوت ئۊشم

هه‌ناێ شێعرێگ له سه‌ر زارئه‌ویندارزامدارێگ زاوزێ كه‌ێدو

                                      تاسه‌ێ ئه‌وین ته‌سه‌ڵ كه‌ێد

                                                      بوومه هاوساێ تۆ

هه‌ناێ شنه‌ێ شه‌ماڵ له جیاتی ده‌سه‌یل هه‌ڵاوارد م

                               خه‌رمانه‌ێ گیسه‌یلد شه‌ن كه‌ن و

                    هه‌ر تاڵێگێ ته‌مۊره‌ێگه و شاوازخودا كیشێد

                                                    ئقرار كه‌م؛

                                                   ئقرار كه‌م ئه‌وینداردم


[۱] – جنگ تن به تن

[۲] – کاسبرگ

[۳] – وحوش

[۴] – ترکیب شدن و آرام شدن

[۵] – عادت دادن نوزاد به مکیدن پستان مادر

[۶] – خط

چاوێک بخشێنە بۆ ....

کورتە چیرۆک “تاقی” – نوسەر: کەێوان کەێخوسرەوپووڕ – وەرگیڕ: ئەیووب مەلکی

کورتە چیرۆک “تاقی” سەرۆکی دایرە و کاک ئێسماعیل چایچیەکەی دایرە شەڕیان دەکرد. پاسەوان و خەڵکیش …

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. * بخش‌های موردنیاز علامت‌گذاری شده‌اند *