ماڵپەڕی هسارە / ئەدەبیات / چیرۆک / گەشتییا مرنێ‌! – عەبدۆڕەحمان بامەرنی

گەشتییا مرنێ‌! – عەبدۆڕەحمان بامەرنی

 

گەشتییا مرنێ‌! – عەبدۆڕەحمان بامەرنی

  • شنبه, ۲۷ شهریور ۱۳۹۵
گەشتییا مرنێ‌! - عەبدۆڕەحمان بامەرنی


هسارە : بیست و پێنج هزار دولار، هەر كەسەك دێ‌ بیست و پێنج هزار دولاران دەت، ئەڤە من چەند جار دوبارە كر! ئەڤ دوبارەكرنا وی ژ بەر وێ‌ ژنا گەنج بو، ئەوا برایێ‌ وێ‌ دگەل دا و هەر داخاز دكر، چەند سەد دولارەكان بۆ برایێ‌ من بهێلە، دا بشێت تا سنۆرێ‌ وەلاتی ڤەگەریت و چ دی داخازا كێمكرنا پارێ‌ سیاربۆنا گەشتیێ‌ ژێنەكەت. ژ بەریكا خوە، من دوو سەد دولار كرنە ددەستێ‌ برایێ‌ وێ‌ دا و من گۆتە قەچاخچی، درەنگە مە برێ‌ بێخە؟ ئەڤە ژی نە ژبەركو ئەو ژن یا جوان و جەحێل بۆ و دێ‌ دڤێ‌ سەفەرێ‌ دا، خوە نزیكی من كەت یان دلێ‌ من مابیتە ب برایێ‌ وێڤە، كۆ ل كۆلانێن ڤی وەلاتێ‌ بیانی، نە كەڤیتە سەرجاددان. بتنێ‌ هەر روژەكا گیرۆبونا مە و تا قەچاخچیەكێ‌ دی بدەست دكەڤیت، ئەم گەلەك پاران ل هوتێل و خارنگەهان دمەزێخین و ئەڤە ژبلی خوە ڤەشارتنا مە ژ پۆلیسان.

ئەم ل گەشتیێ‌ سیاربوین و مە دا بەحرێ‌. سێ‌ جاران ئەم نزیكی سنورێن یونانێ‌ دبوین و قەچاخچی بهێجەتا پولیسێن زێرەڤانیا سنۆری دكەن، ئەم دڤەگەراندینە نیڤا  بەحرێ‌ ڤە. دوماهی جار، ئەڤێن دنیڤا گەشتیێ‌ دا، دەست بقیژییا كرن و نیڤا گەشتیا مە تژی ئاڤ بۆ. هندا دەست ب لاڤاكرن و هیڤیێن خوە گەهاندنە بەر پەرێن عەسمانی و هندان دەست بهەوارهاتنێ‌ كرن  و هندان ژی ب چ تشتێ‌ ل بەر دەست، بهەمی هێزا خوە ئاڤ ژ گەشتیێ‌ ڤالا دكرن. بتنێ‌ قاچاخچی نەبیت، چۆخكێ‌ سەرئاڤ بونێ‌ ب سەر ملێن خوە داگرت و عەسلی ل پشتا خوە شداند و خوە سەرنشیڤی ئاڤێ‌ كر.

گەشتی نقومی ئاڤێ‌ دبۆ و هەر كەسێ‌ چۆخك ل پشتێ‌، ب سەر ئاڤێ‌ كەت و یێن وەك من بێ‌ چۆخك و ئەڤێن دانعەمر و زارۆك، كەتنە لاڤەلاڤێ‌ و من ئەو هێلان و خوە هاڤێتە چۆخكێ‌ قەچاخچی، من ملێن وی گرتن و ئەز و ئەو پێكڤە بن ئاڤ بوین. ژبلی بزاڤا سەرئاڤ بونێ‌، ئەوی ب پێهنا و هەر هێزا د لەشی دا هەی، ئەز ژ خوە ددامە پاش.  ژ من و ژ وی! من چۆخكێ‌ وی بەرنەدا و من نەهێلا سەرێ‌ وی سەرئاڤ بیت و چپكا هەوای بگەهیتە ناڤ سیهێن وی. تا ژ بێهنێ‌ مالق بویی و وەكی ئاڤا دەریایی لێ‌ هاتی و تەزیتر. من چۆخكێ‌ وی دسەردا ئیناخارێ‌ و ل سەر ئاڤ بونێ‌، رەخ و دۆرێن من هەمی یێن بوینە كەلەخ و وەكی مریشكێن مرار، سەرێن وان یێن كەتینە سەر ملێن وان. مانا مە دۆێ‌ ئاڤا تەزی و وێ‌ شەڤ تاریێ‌ دا، زێدەتر ژ چەند سەعەتان ڤەكێشا و گەشتیەكا رزگاركرنێ‌، ئەم یێن ساخ و نیڤ ساخ و كەلەخێن مری ژ ئاڤێ‌ دەرئێخستین.

هێشتا قەچاخچی یێ‌ دبێژیت، هەر كەسێ‌ سەفەرێ‌ بكەت، چ مەزن چ  زاروك بیت، دڤێت بیست و پێنج هزار دولاران بدەت و ئەو ژنا گەنجا جەحێل یا بدەڤ و لێڤێن وی ڤە بویە میچرك، بەلكویە، كێمتر پارەی ژوێ‌ وەرگبریت، دا برایێ‌ وێ‌ ڤەگەریت وەلاتی ڤە. ژ بەریكا خوە من دوو سەد دولار كرنە ددەستێ‌ برایێ‌ وێ‌ دا و من گوتە قەچاخچی، درەنگە، گەشتیێ‌ ب رێ‌ بێخە؟ ئەڤە ژی، نە ژبەركو ئەو ژن یا جوان و جەحێل بو و دێ‌ دڤێ‌ سەفەرێ‌ دا، خوە نزیكی من كەت یان دلێ‌ من مابیتە ب برایێ‌ وێڤە، كو ل كولانێن ڤی وەلاتێ‌ بیانی نە كەڤیتە سەرجاددان. بتنێ‌ ئەز دزانم ئەڤە سەفەرا مریانە و ئەڤێن لدوورێن ڤێ‌ گەشتیێ‌ خرڤەبوین، ساخ و نیڤ ساخ و مری دهاتنە بەرچاڤێن من.

سەرچەوە : ئەنجومەنی ئەدەبیی بۆکان

چاوێک بخشێنە بۆ ....

وێنە هەواڵ ڕێوڕەسم لە خاک نان ماموستاێ نەمر تاهر یاروەیسی

ئمڕوو چوارشەمە ڕێکەفت ۲۶ تیر مانگ ساڵ ۹۸ هەتاوی تەرم ماموستاێ نەمر تاهر یاروەیسی لە …

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. * بخش‌های موردنیاز علامت‌گذاری شده‌اند *