هساره
باو تا بکیشیم چووپیێ گەرمێ
بەزممان خوەش کە،ماڵ باوگد نەڕمێ
مەێنەتێ بکیش قەدەم وە رەنجە
باو بووسیە شانم ، پەنجە وە پەنجە
رزاز چووپی دەس وە ناو دەس
هام دڵ یەک بۊم،دڵ نێیەیم وە کەس
چووپی وە چەپی دەسماڵد گل دە
سازنە ئێرە هاوەر کڵ دە
پاێ چەپ بنە وەر ، شان بارە لەرزە
دەس دووس گردن ،وەێ حاڵە فەرزە
چووپی وە بێ دووس ،کوڕە حەرامە
ئەو دەمە خوەشم ، رەفیق وە لامە
دەنگ فەتای تێ ، وە ساز و دێوڵ
باو زڵف ئاوێزان وە سینەێ تێوڵ
پەنجەێ پایلمان بکوتیم وە زەۊ
شایەد ئی دەمە دەفێ ترەک نەۊ
دڵ و گیانمان باریم وە لەڕە
م تەنیا نەیلی و ئی لاپەڕە
باو تا بکیشیم چووپی وە قەڵای
مەردم گشت نقرەن تۆ وە لام تڵای
وەێ بەزمە بایەد نەرم بکەی بازی
سازنە ناز کر د ئی بەزمە سازی
ئێ بەزمە بەزم نەرمی و نازە
چووپی تۆ خوەشتر وە دەنگ سازە
