مه‌لـــــــــۊچــــگ – جەلیل ئاهەنگەر نژاد

 

 تا باڵ چـــه‌و بێیه‌یــــدن  وه ئاسمانـــم ئمشـــه‌و

وێنه‌ێ وه‌هار گوڵ ده‌ێ وشکه سقانم ئمشه‌و

بـــه‌و تا دوواره بۊشیـــم له ئه‌زره‌ته‌یل که‌و که‌و

پڕ له گه‌په‌یل گه‌رم که‌س که‌س مه‌زانم ئمشه‌و

به‌و یه‌ێ ســــه‌رێ بکیشــــه ئـــــێ ماڵ چـــووقیامه

تا شـــه‌و دوواره نه‌ودن وه هاو زوانــم ئمشه‌و !

ته‌نیا په‌ری کیــــه‌نی نـــۊر ! هـــۊر چــــه‌وه‌یل کاڵـــــد

یه‌ێ مشت که‌و مه‌لۊچگ وه‌ر داسه‌ گیانم ئمشه‌و

چه‌رمێ و سه‌وز و هۊلم  زه‌رد و کـــه‌وو به‌نه‌فشم

پڕ له هســـــاره‌گانم چـــــۊ که‌شـــــکه‌شانــــــم ئمشـــــــه‌و

زکر زووان سه‌وزم ته‌نیا تنی ت که‌و پووش

یه‌ێ جار تر مه‌تــــۊچن  دار و دکانــــــم ئمشه‌و

 

 

 

لـە کتاو نەرمەواران