پیـــــــــری – عەلـــــی جەماڵـــــــی لـە کەنگەڤەر

هووش و تەوانا و هایارم ها کوو/ چەمەل جوور د ۊربین شکارم ها کوو

پال کـەشیدە جــوور دار مــروا / کــەوشـەل تا ڤـە تـاو نیـم دارم هـا کــوو

هــەر ســاڵە مـاێ و هـەر سـاڵە مـەچـوو/ گـشتـە زمسـانە ڤـهارم هـا کـــوو

دەمم جوو ئشکەفت هوشک و تەم و تار/ دنالەل چەرمێی مس­ڤارم ها کوو

قــووخـو قـووخـمـە ڤـە پا دیڤــاران /  بـەرزی باڵاکـەێ چــنارم هـا کـــوو

ڤێـنەێ باێـە‌قـــوش تـەنیــا مـەنـمە/ دووس نــازار و دڵـــــدارم هـــا کـــــوو

جــوور تـاق گـەڕا ســەرمیــل کــــرن/ تـاقــــم رمیـــاێە دیڤــارم هـا کـــوو

عەێن شکەس واردێ ڤە مەێدان جەنــگ/ چــراوا نـــۊزن ســـوارم ها کـوو

جـــوانــی باڵا و بـــریقــە چەکــمە/ یـــگان و ئــەرکان هـــزارم هــا کــــوو

دەرڤــەدەر بــیمە مەنـــزڵ ڤـە مەنــزڵ/ گەرمـاێ نیمەروو داوارم هــا کـــوو

ڤـە سـەر داڵاهــوو یا ڤــە پا شــاهــوو/ تفەنـــگ بــڕنەو تـاتـارم هــا کــــوو

یـەسە پـــیر بیمــە بــێ بەرگ و بــارم/ شنــڵ ســەرداری قاجــاڕم هـا کــوو

دەســم لـەرزان و ســەرم ســەرگــەردان/ ڤــەی بەدبەختییە غەمخـارم ها کوو

بیمەســە گـــووچــــان دەس گـالاوان/ خــانـە نـشینـــم رەفتـــارم هـــا کــــوو

ڤـە مــاڵ دونیـــا هـــۊچ ئـەڕام نــەمــەن/ رێەن و رەمــی قەتــارم هــا کـــوو

ســدر و کــافوور و چــلڤارێ بــارن/ تاویـــت چــــوویی، مـەزارم ها کــوو