هساره
دەۆشەۆ گووشەل ئومێدم بڕی و نامەر قول مشت.
بەسەزون توتیش بی، ئێسە ئەڕا یە کەمتر گووشتەڕێزە بگریتێ، زۊتر زونیشێ بڕیم.
بێچارە کەڕ و لاڵ بی.
ئەخنکە ئی بوور بێ مکێسە، شەۆ و دوکوت شاوار، ڤەخت و نە ڤە ڤەخت ماێ و گەزەگەزە مەکردێ و قسە چرەن دودودودودودودورسە ماو ە مەۆتێ و مەچیا.
وژیشێ ئێسە فکرە مەکەمێ فرە خوڵک خوەشێ نەێرێ، دی دوما بڕین گووشەلێ بەترە ماێە چێەمرا.
نمەزانم کی و ئەر کوو ئی قسە خەنە دار دورسە ماو ە فێر کردۊ و بێژگە یەۊشە چێێ تر نمەزناستێ.
هاتن چینێ ک دی نووش…
بێ دەنگ و فرە گلیش جوور دوز…
ئەدۆەییش خوو چێێ کە، خودا مەزانێ هەر ناسە قەییشرا.
هەر مارەی لێڤەێێە… گەر وژێ قسە مەکەێ و نووا گشت ئەژ کەێڤانوو سەر ڤیلچر ڤە سرەۆ هوواری گرتێ تا دت کوتە ئاورۊ دار و جڤون ئارزووە دەس چی بگر تا داڵکە ئاول دەرد گرون گرتێە باوش و ریچەرمێ کەتێ لەۆ خێاوانە ک ئەر نوم ئە سووز سەردە تێخەڕا وژ کوشتنە مەفرووتێ مەگرتێ و قسلەێ مەکردێ مەخەنیا و مەچیا…
قسەیشە گووشرا نمەچووتێ، هەماری بگر هەرە گەر ئەۆون نیە.
خودا ئەڕان نەسازیتێ هونە گشت گرفتار وژ کردێەسێ.
مەر ڤارونیشە ئەسەدووا ئاولە ماێ؟
یا بەن جگەرت بۆڕرێ ڤە قسە داێە؟
گاێس گیرا نەۊن چێەم ڕەشەل ڤە ئەسەدووا و پف کردنە دەۆر وژ بوو؟
یەێ گلیش نمەزانم کی دیەسێ یا شنەفتێەسێ ک مووشن ئەژ ئی ستۊن تا ئە ستۊن فرەجە!!! ئێسەیشە ڤە نوم چەن ساڵ دەرێ بۆرێە تەختەێ دی فەن وژ داێن نەێرێ.
خودا خوەشییش بۊن هەنێ دخ باێ چنگ بنێەر تینیت نمەتۊنین وژت بەینە ئە بارە دەس بکەینە گوورانی چڕین.
ئەڤەیشە ئومێد خان بەیتێ ئەڕانت بژەنێ، ئەۊشە چ ژەنینێ!!!
ئێسە ئەۆ مەنێە و دۆ گووش کەڕ و زون لاڵێ.
هالیمیش گەر چێەمەلێ درێ قسە مەکەێ…!
شاد ئیمشەۆ شادیش شەۆەلێ ترک.
