ماڵپەڕی هسارە / مناڵان / شێعر مناڵان / شێعرێک بۆ منداڵان – سارینا عەبدووڵڵاهی

شێعرێک بۆ منداڵان – سارینا عەبدووڵڵاهی

 

من منداڵێکی وریام
شیرینم وێنەی زریام
ئارام و ئاگا و بەبیر
دەرس ئەخوێنم جوان و ژیر
کوردم و قارەمانم
شانازی کوردستانم
دەس لە زانین بەرنادەم
بۆ دژواری ئامادەم
لە هەر کات و هەر زەمان
تەمیسم و دلۆڤان
هاوڕێکانم وێنەی خۆم
وەک پەینجەی زانینن بۆم
کتێب ، قەڵەم ، مەدرەسە
ئەم سێ هاوڕێمە بەسە
قەد قەد بە جێم ناهێڵن
بۆ باخی ژینم بێڵن
کەس ناتوانێ لێکمان کا
وەک بەینی پائیز و با
نەداری و کەم دەسی
تەنانەت گەر بم برسی
خەیانەت لە کتێب ناکەم
دۆسیم تەکیا تێک نادەم
لە بۆ من قوتابخانە
جوانترین جێی جیهانە
تەرکی ناکەم تا ماوم
من ڕۆڵەی کوردە ناوم

.

.

.

.

.

.

.

سەرچەوە : کۆڕی زانیاری

چاوێک بخشێنە بۆ ....

ئاگاداری بۆ نووسەران و خوێنەرانی بەڕێزی زاراوەی کەڵهوڕی لە پارێزگاکانی کرماشان و ئیلام!

بە ئاگاداری تەواوی نووسەران و خوێنەرانی بەڕێز لەو ناوچانە دەگەیەنین کە چاپەمەنی مانگ لە درێژەی …

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. * بخش‌های موردنیاز علامت‌گذاری شده‌اند *