هساره
“سەرپێڵ و زەهاو، سەلاس باواجانی، ئەزگڵە، قەسری شیرین، داڵاهۆ، ڕێژاو، زەردە”
ئارۆ ….
لەرزا……
تارێ وجارێ
کەش و کۆ شرێقەشا
یاوا دەساوەندەسا
دلێ چۆڵی شار و دەگایەنە، پەپوو
تاقە دەنگێو بێ، ئاوەد٘انیش
قڕ کەرد٘ە بێ
تاش و کەمەرێ، گرەوێنێ
هەناسەکێ چێروو
دیمەکوویانەینە،
ڕۆڵەگیان لای لای
کۆرپەلە بووسە
ڵ
بەڵام ، خۆ نەواتەبێش
وتەیت ئێتر
سەوایش، نەبۆ
هەرسەو چەمام،
دلێ بیناقاقێمەنە
پەنگەش وارد٘ە،
وەختێو
زاڕۆڵەو بێشکێم دی،
نەتاوابێش قاچێ فڕنۆ
بێدەنگ …..بێدەنگ
لایەلایەو ئەد٘ایش
پەشۆکنا بێ…!!
