هساره
هامە تەماێ دیدە مەسێ
ک میناێ عمرم ها دەسێ
یەێ خوەش ئەنام سان دڵێ
ک باێد وە هانام بڕەسێ
هۊر چەوەیل کاڵێ کەم
چەو گل دەم و مەی خاڵێ کەم
لەپ کوتمە دەور خوەمەو
چۊ شێت منەی خێیاڵێ کەم
چیدە و خسیدە کووس م
خەم بۊیە هاو منووس م
دێرێ یە باوەڕم بوودن
خەمە ک دێرێ دووس م
بەورەو دجارە چەومەسم
ک ناهمێد و بێ کەسم
خەو لە چەوم فڕ کردێیە
وە هۊر هۊرد چەو بەسم
بەخت م هەڵکزانیدن
جەرگ و دڵم سزانیدن
کوچگ ئەڵگرتید و خسی
مانگ شەوم ڕزانیدن
ئاخر یە کەێ دڵە دیری
نییە یە داب ئەسیری
یەێ ڕووژ پەشیمانەو بۊدن
تیەید و چۊ ئەور تەڕ گیری
