ماڵپەڕی هسارە / ئەدەبیات / شێعر / شێعرنوو / ” م دووسد دێرم ” – سەید یوونس هاشمی

” م دووسد دێرم ” – سەید یوونس هاشمی

 

م دووسد دێرم

ئەوقرە گ تیر کەمان ئارش بچوود

چەنە زوور بازوو رووسەم

چەنە پاکی خۊن سیاوەخش

 

شایەدی فێشتر

 

 

م دووسد دێرم

 

چەنە گڕەێ دڵ داڵگ ئەڕا کوورپە

چەنە سەر سەختیی باوگ

قەد تەرەک تەرەکەیل بان پووس دەسێ

 

شایەدی فێشتر

 

م دووسد دێرم

 

چەنە تامازروو بۊن مناڵ ئەڕا ئەسپاو بازی

ئەڕا وەیلکان و تاوە تاوە

تا ئاخرین شومارە گ زانی

هەفت گله،نوو گلە…

 

شایەدی فێشتر

 

 

م دووسد دێرم

 

چەنە زکرەیلێ گ داپیرم هەر رووژ خوەنێ

چەنە هرمەت باپیرم

وە ئەنازەێ دڵپاکیی مەردم ئەوسا

 

شایەدی فێشتر

 

 

م دووسد دێرم

 

چەنە وەهار و خونچەێ پەلپوو دارەیل

قەد هڵم گەرماێ تاوسان

چەنە زوور واێ پاییز و سەردیی زمسان

 

شایەدی فێشتر

 

 

م دووسد دێرم

 

چەنە قوڵپە قوڵپ ئاو کیەنی وەر ماڵەیل

چەنە هنکی ئاو کونە

جوور دڵنشینی ساڕکی کووڵا

 

شایەدی فێشتر

 

 

م دووسد دێرم

 

چەنە بێقراری ئاێم چەوەڕێ

چەنە هۊرد بۊن ئاێم دڵشکیا

قەد سەختی دڵکەنین و دڵ بڕین

 

شایەدی فێشتر

 

 

م دووسد دێرم

 

تا ئەور، تا ئاسمان

تا ئەورە گ نە کەسێ دییە نە شنەفتێیە

تا هەناز خودا

 

شایەدی فێشتر

 

 

م دووسد دێرم

م دووسد دێرم

 

 

چاوێک بخشێنە بۆ ....

پەردە لە سەر ” تام تەم ” لا دریادن

تام تەم، کومەڵە شێعر شاعر کورد سمەیە سەفەری ناسیاێ وە ” سایوا “ــس، ک لە …

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. * بخش‌های موردنیاز علامت‌گذاری شده‌اند *