ماڵپەڕی هسارە / دەنگوباس / داهمین مێهرەجان نەتەوەیی ” شانۆ مرساد ” لە شار ئسڵام ئاباد قەرب دەس پێ کریادن

داهمین مێهرەجان نەتەوەیی ” شانۆ مرساد ” لە شار ئسڵام ئاباد قەرب دەس پێ کریادن

وە پەێ هەواڵ هسارە داهمین مهرەجان ” شانۆ مرساد ” وە یەکمین دەورەێ ئێ مێهرەجانە لە ئاست نەتەوەیی لە ڕووژ دشەمە ۲۲٫۵٫۹۷ لە شار ئسڵام ئاباد قەرب دەس پێ کریادن وە تا ڕووژ جمە ۲۶٫۵٫۹۷ دریژە دێرێدن.

خەسرەو تەمری بەرپرس ئدارەێ فەرهەنگ و ئرشاد ئسڵامی شار ئسڵام ئاباد وە هەروەها دەبیر ئجرایی ئێ مێهرەجانە لە وت و وێژێگ وەل هسارە ـێا وەت: وەڕییەو بردن ئێ فستیواڵە لە ئاست نەتەوەیی دەساو زامەتەیل هونەرمەندەیل و بەرپرسەیل دڵسووز ئسڵام ئاباد وە هەروەها تەقەلایل بەرپرسەیل ئدارەێ فەرهەنگ و ئرشاد پارێزگاێ کرماشانە و ئمدواریمن بتۊیەنیمن لە ساڵەیل داهاتوو لە ئاست نێونەتەوەیی ئێ مێهرەجانە وە ڕێیەو بوەیمن.

تەمری لە دیژەێ قسیەگانی وەت لەێ مێهرەجانە ۱۱۲ بەرهەم لە ۱۸ پارێزگاێ ئێران هاتێیەسە دەبیر خانەێ فستیواڵ ک ۲۱ بەرهەم تۊیەنس لە لاێەن دەبیرخانەێ مێهرەجانەو پەسەن بکریەێدن ک ۱۹ بەرهەم لە بەش ڕقابەتی، یەێ بەرهەم لە بەش مێوان وە یەێ بەرهەمیش لە بەش پەراوێز مێهرەجان مرساد جییەو گرد.

دەبیر ئجرایی داهمین مێهرەجان نەتەوەیی ” شانۆ مرساد ” شییەو کرد، یەێ بەرهەم لە شار ئسڵام ئاباد لە بەش ڕقابەتی، وە یەبەرهەم تریش لە بەش پەراوێز فستیواڵ بەشدارن وە یەێ بەرهەم لە کرماشانەو بەشدار مێهرەجان مرسادە.

خەسرەو تەمری وەت: ئەڕاێ ئێ مێهرەجانە دەرەگرد ۱۶۰ ملیوون تمەن پارە بەراورد کریاس ک کوتێگێ لە لاێەن ئدارەێ فەرهەنگ و ئرشاد کرماشان و کوت ترەکیشێ لە لاێەن شار ئسڵام ئابادەو تەرخان کریەێدن.

تەمری لە پەراوێز قسیەگانێ ئاماژە وە شارەیل مەریوان و ئاواز کرد ک تۊیەنن مێهرەجانەیل نەتەوەیی وە تەنانەت نێونەتەوەیی بێ یارمەتێ کردن دەوڵەت بخەنەو رێ وە هەلێوا وە قسیەگانێ دریژە دادن ک ئیمەیش لە شار ئسڵام ئاباد باێەد وەێچۊنە ئاستێگ بڕەسیمن.

پەرتخ.

چاوێک بخشێنە بۆ ....

“تمامِ تخت ،خوابِ تورامي بيند ” – شعر: لیلا درخش – برگردان: فرشاد سلیمی

تمامِ تخت ،خوابِ تورامي بيند ازنازتاناله ازجيغ تادستي براي هيس   جان مي گيردازحياتِ يحيي …

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. * بخش‌های موردنیاز علامت‌گذاری شده‌اند *