ماڵپەڕی هسارە / دەنگوباس / دەسپێکردنی چالاکیەکانی بنکەی فەرهەنگی ئەدەبیی وارین‌ی کرماشان

دەسپێکردنی چالاکیەکانی بنکەی فەرهەنگی ئەدەبیی وارین‌ی کرماشان

شوکرانەم پێد بوو کەس سڕ نەزانا
سفێد پەڕ لە روو سەرزەمین شانا

شوکرانەم پێد بوو هەر وەخت مەیلت هەس
وە بێ نم سەوز کەی گوڵان کەڵ‌مەس

بنکەی فەرهەنگی ئەدەبیی “وارین”ی کرماشان دەستپێکردنی کار و چالاکیەکانی خۆی بە خەڵکی فەرهەنگ‌پارێز و ئەدەبدۆستی کرماشان و دەوروبەر رادەگەینێت.

بنکەی فەرهەنگی ئەدەبیی “وارین”ی کرماشان بنکەیەکی مۆڵەتپێدراوە لەلایەن ئیدارەی فەرهەنگ و ئیرشادەوە کە لەسەر دەستی هەندێک لە شاعیران و نووسەران و چالاکوانانی بواری ئەدەب و کولتوری شاری کرماشان پێکهاتووە. وارین لە زاراوەی لەکی و کەڵهوڕی بە واتای “بارین” ه و لە زاراوەی هەورامیش بە واتای “خوارین”.

ئەم بنکەیە دەیەوێت لە بواری زمان و ئەدەبی کوردی بەگشتی و زمان و ئەدەبی ناوچەی کرماشان بەتایبەتی کار بکات.

بنکەی وارین سەربەرزە بەوەی بەڕێوەچوونی ئێوارە شێعرێکی کوردی لە کرماشان لە رێکەوتی یەکشەمە ۹۷/۰۸/۲۰ لە هۆڵی گشتیی پیشانگای کتێبی کرماشان لە پارکی شاهیدی ئەو شارە وەک یەکم چالاکیی خۆی رابگەینێت. وردکارییەکان و چۆنیەتیی بەشداریکردنی شاعیران و ئەدەبدۆستان لەو کۆڕە لە پۆستەکانی تری ئەم کەناڵەدا باس دەکرێت.

بەم زوانە چەن کۆڕ و کۆرس و خول و وانەی پێوەندیدار بە زمان و ئەدەبی کوردی لەم بنکەیەدا بەڕێوەدەچێت کە شوێن و کاتەکەی هەر لە ڕێی ئەم کەناڵەوە دیاری ئەکرێت.

هەموو هەواڵەکان و بەرنامە و بانگەشەکانی بنکەی وارین لەڕێی ئەم کەناڵەوە رادەگەیێندرێت.

ئه ندامانی دامه‌زرینه‌ری بنکه :

موحسن مه لکی
ئاشنا عه باس مه نش

ئەندامانی به‌ڕیوه‌به‌ری بنکەی وارین بریتین لە بەڕێزان:
سەمیرا زەمانی مونفەرد
مەهوەش سڵێمانپوور
فەرزاد سەفەرە
ئاشنا عەباس‌مەنش
جەمیل مورادی
فواد موزەفەری
ئه‌ردەشێر مووسەڤی
موحسن مەلکی.

داوا لە هەموو هاوڕێیان و ئەدەبدۆستان دەکەین بە ئەندامبوون لەم کەناڵە و سەردانکردنی بەردەوامی پشتگیریمان لێ بکەن.

چاوێک بخشێنە بۆ ....

بنکەی فەرهەنگی ئەدەبی وارین و ئەدەبیاتی کوردی کرماشان – جەمیل مورادی

بنکەی فەرهەنگی ئەدەبی وارین و سەرەتایەک بۆ سەرهەڵدانی چالاکییە مێژووساز و نوێیەکانی ئەدەبیاتی کوردی کرماشان …

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. * بخش‌های موردنیاز علامت‌گذاری شده‌اند *