هساره
شەوانە
م تۊش تۆ هاتمە، یە بێ مدووم نییە
وەڕاس خەڵات کامین قەسیدەێ، هەی خەزەڵ؟
لەێ دەروەچ تەیریکە، هەسارەباران وڵام کامین سڵامی وە هەتاو؟
وتار لە نووڕین و ئسبای تۆ کونەرە ئەکا،
خوەزیمە ئەو چەوبازییەیلە ک تۆ دەس وەپێ ئەکەی.
لەودیم گلارەگاند، هاوار کام بەن‌کریایە ک ئازادی وە لێوەیل هەڵزریای و ماسیای سوورەگوڵێگ فەڕە ئەیا؟
وەرنە هاشا، هاشا ک ئی هەسارەبازییە چشتێگ قەردبار هەتاو نییە.
ئسبا لە دەنگ تۆ هێمنەو ئەوێ، هەم ژێر ئەودەو.
چەنێگ وە ئیمانەو ناوم ئەچڕی، و دڵد، ئی کەمووتەر ئاشتییە، خوڵپان خۊنە وەبان ئی بنەبان لێڵە.
ئەمانێگ چەنێ بان و چەنێ بەرز هەڵئەفڕی….!!!!
.
.
