ماڵپەڕی هسارە / دەنگوباس / پەردە لە سەر ” تام تەم ” لا دریادن

پەردە لە سەر ” تام تەم ” لا دریادن

تام تەم، کومەڵە شێعر شاعر کورد سمەیە سەفەری ناسیاێ وە ” سایوا “ــس، ک لە شار ئسڵام ئاواێ ڕووژئاوا پەردە لەسەرێ لا دریادن.

وەپەێ هەواڵ هسارە, ڕووژ پەنجشەمە ڕێکەفت پانزەێ سەرماوەز ساڵ ۱۳۹۷ هەتاوی وە پاڵپشتێ ئدارەێ ڕووشنبیری ئسڵام ئاوا و بەشداری بڕێگ لە بەرپرسەیل ئدارەیل جیاواز جوور فەرمانداری، ئامووزش و پەروەرش، شەوراێ شار و هەروەها بڕێگ لە شاروەندەیل لاێەنگر فەرهەنگ کوردی ئسڵام ئاوا،  پەردە لە سەر  کتاو ” تام تەم ” لا دریادن.

لەێ بەرنامە خەسرەو تەمری سەروک ئدارەێ ڕووشنبیری ئسڵام ئاوا دۊاێ گەپدانێ وە زووان فارسیەو، وە زووان کوردی دریژە وە قسیەگانێ داد و وەت : وە مدوو یەگ مەردم ئێ شارە لاێەنگر زووان و ئەدەبیات کوردیین وە شیوەێ خاسێگ لەێ بەرنامە بەشداری کردنە و یە وە ئێمەێ بەرپرس سەڵمنێدن گ فەرەتر لە باوەت فەرهەنگ و ئەدەبیات کوردی ئێ ناوچە کار بکەیمن.

“تام تەم” به بازار نشر کتاب آمد

دۊاێ قسیەگان بەڕێز تەمری، ئاقاێ ئەبدی جیگر سیاسی فەرماندار ئسڵام ئاوا وەت: ئاقاێ تەمری قسیەگانێ وە د زووان فارسی و کوردی پێشکەش کرد بەڵام م توام قسیەیلم گشتێ وە زووان کوردی پێشکەشدان بکەم. بەڕێز ئەبدی لە درێژەێ گەپەگانێ ئاماژە وە یە داشت ک جی شانازیە گ ژنەیل ناوچەێ ئیمە وە زووان داڵگی خزمەت کەن و کتاو وەێ زووانە گ فەرە ڕەنگینە بڵاو کەن. بەڕێز ئەبدی ڕخنەێگیش وە بڕێگ لە شاعرەیل داشت گ ئەڕا ئێقەرە لە ناو هەڵبەستەیلێیان گەپ لە خەم و خووسە و نائمێدی دریەێدن.

لەێ بەرنامە ک پێشکەشکاریێ لە لاێەن ماوەش سڵەێمان پووڕەو وە ڕێیەو چی مێوانەیلێگ لە شارەیل جیاواز جوور گیەڵان، سەرپەیڵ، کرماشان، سونقووڕ، کەرەج و ….. بەشدار بۊن.

بەڕێزەیل پەروێز بەنەفشی، خەدیجە حسەێن پەناهی، ڕزا جەمشیدی، سمەیە سەفەری، فەرزاد سەفەرە، ئەحمەد بەساتی، باران خوسرەوی، تەرەنۆم مرادی و … هەڵبەستەیل و وتارەیل خوەێان پێشکەش بەشدارەیل کردن.

.

.

چاوێک بخشێنە بۆ ....

پەێام ماڵپەڕ هسارە وە بوونەێ هاتن نەورووز ۲۷۱۹

نەورووز ڕووژ سەرکەفتن نـۊر وە سەر تیەریکی و کاوە وە سەر زەهاکە . ڕووژ دەس …

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. * بخش‌های موردنیاز علامت‌گذاری شده‌اند *