ماڵپەڕی هسارە / دەنگوباس / ماڵ هورە لە شار نەمر عەلی نەزەر کریادنەو

ماڵ هورە لە شار نەمر عەلی نەزەر کریادنەو

ماڵ هورە لە شار نەمر عەلی نەزەر کریادنەو. ڕووژ دشەمە ڕێکەفت ۲۴ / ۱۰ / ۱۳۹۷ هەتاوی لە شار ئسڵام ئابادقەرب وە هەوڵدان و تەقەلاێ ئدارەێ ڕەوشەنبیری ئێ شارە و بەشداری بڕێگ لە بەرپرسەیل دەوڵەتی، وە هەروەها قەێر فەرەێگ لە شاروەندەیل فەرهەنگ پارێز، ماڵ هورە دەس وە کار کرد.

وەپەێ هەواڵ هسارە لەێ کووبوونەوە ماموستایل پاێەبەرز هورەچڕ جوور ماموستا سەی قولی کشاوەرز، ماموستا مەسعود مەنووچهری، ماموستا سڵەێمان نەورووزی، ماموستا عەلی ئەکبەر موستەفایی، ماموستا ئامەد سەفەری، ماموستا سەی نجات کشاوەرز، ماموستا پەێمان ڕازیانی و ماموستا مامەد ئازادنیا بەشدار بۊن و وە دەنگ ئەهورایی هورە مەراسمەگە ڕازاننەو.

 خەسرەو تەمری سەرۆک ئدارەێ ڕەوشەنبیری ئسڵام ئاباد لە سەرەتاێ بەرنامە وەخەێرهاتن مێوانەیل و بەشدارەیل مەراسم کرد و وەت : یەکێگ لە ئامانجەیل ئێ کارە پارێزانن و پەڕە دان وە فەهەنگ و موسیقاێ مەردمان کوردە.  تەمری لە دریژەێ قسیەگانێ وەت هورە تایبەت وە ناوچەێ کەڵهۆڕە و جێگاێ دیاریێگ لە ناوچەیلترەک کوردەواری دێرێدن.

جی ئاماژەس لەێ رێوڕەسمە ۲ کەساێەتی بەناوبانگ کورد، ماموستا عەلی ئەکبەر مرادی و ماموستا کەێهان کەڵهۆڕ بەشدار بۊن و بەشداریل مەراسم وە هاز تایبەتێگەو پێشوازی لێیان کردن.

هوره در خانه خود صاحب خانه میشود

بەڕێز کەێهان کەڵهۆڕ لە وتار کوڵێگ ک پێشکەش کرد، وەت : فەرە خوەشاڵم ک هامە ناو مەردم شار خوەم و ئێڵ خوەم، هەروەها لە درێژەێ قسیەگانێ  پیرووزبایی لە دەس وەکارکردن ماڵ هورە لەێ شارە کرد.

بەڕێز ئەفشین کەریمی فەرماندار ئسڵام ئاباد لە ناوەێن قسیەیلێ ئاماژە کرد، جی شانازییە گ هونەرمەندەیل و مووسیقازانەیل گەورا و بەناوبانگێگ جوور بەڕێزەیل مرادی و کەڵهۆڕ پاڵپشت گەپەیل هوڤیەتی و فەرهەنگی ناوچەێ خوەێانن.

بەڕێز ڕەهیم جەفەری مودیر کول ئدارەێ ڕەوشەنبیری پارێزگاێ کرماشان شییەو کرد گ تەقەلاێ فەرەێگ ئەڕاێ وەڕێ خستن ماڵ هورە، ماڵ دەف، ماڵ موور و ماڵ مەمۊرە کردێیە گ گشتێیان وە پەرتخ ڕەسینە. هەروەها ئاماژە کرد گ هایمنە تەقەلا ک لە شار نەوسوود ماڵ سیاچەمانە وەڕێیەو بخەیمن. جی ئاماژەس ک بەڕێز جەفەری لە سەرەتاێ قسیەگانێ وە شێوەزار لەکی خوەش بش گەرمێگ وەل مەردما کرد.

پێشکەشکار ئێ ڕێوڕەسمە بەڕێز ئاکوان فەتاهی یەکێگ لە مەقام خوەنەیل و تەمۊرە ژەنەیل شار ئسڵام ئاباد بۊ.

بەڕێز عەلی ئەکبەر مرادی لە باوەت گرنگی و پەڕەدان وە فەرهەنگ و موسیقاێ کوردی قسیە کرد و وەت ک پاڵپشتی بەرپرسەیل دەوڵەتی لە فەرهەنگ ئێ ناوچە تۊیەنێدن دژێگ بوودن لە وەراێوەر هێرش فەرهەنگی جەهانی ک لە رێگاێ سەت لایتەیلەو وەڕێیەو چوودن.

یەکێگ لە خاڵەیل دیاری و وەرچەو بگر ئێ ڕێو ڕەسمە یە بۊ ک مێوانەیل، فەرماندار و بەرپرس گشتێ ئدارەێ رەوشەنبیری پارێزگاێ کرماشان گەپەیل خوەێان وە زووان کوردی پێشکەش بەشدارەیل کردن، هەروەها بەشداری کردن ژنەیل و ئافرەتەیل فەرە وەرچەو بگر بۊ.

لەێ مەراسمە لە بنەماڵەێ هورەچڕەیل نەمر، ماموستا عەلینەزەر مەنووچهری و ماموستا ئەوڵەزیز هەێدەری رێز گریادن و هەروەها لە کوتایی بەرنامە لە هورەچڕەیل بەشداریش رێز گریادن.

جی ئاماژەس  ک فەرەتر لە سەد کەس لە شاروەندەیل بەشدار ئێ مەراسمە جی ئەڕاێ نیشتن نێیاشتن و وە سەر پاوە تا کوتایی بەرنامە پاڵپشت هونەرمەندەیل خوەێان بۊن.

.

.

وێنەهەڵگر : فواد گوودەرزی

.

.

چاوێک بخشێنە بۆ ....

«گەردووننامە»ی پێشەوا کاکەیی، دووەم کتێبی بڵاوکراوەکانی نووسیار بڵاوکرایەوە

«گەردووننامە»ی پێشەوا کاکەیی         بڵاوکراوەکانی نووسیار لە یەکەمین دەرکەوتنیدا، لە زنجیرە کتێبی «خەرمانەی نووسیار» کتێبی …

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. * بخش‌های موردنیاز علامت‌گذاری شده‌اند *