ماڵپەڕی هسارە / دەنگوباس / ڕێزگردن چالاکەیل فەرهەنگی ئسڵام ئاباد لە پسپووڕکار بەناوبانگ کورد

ڕێزگردن چالاکەیل فەرهەنگی ئسڵام ئاباد لە پسپووڕکار بەناوبانگ کورد

ڕووژ یەێشەمە ڕێکەفت ۱۲ ڕەشەمەێ ساڵ ۱۳۹۷ هەتاوی لەدیەکەێگ لەپەڕ شار کرماشان رێز لە ئاکۆ جەلیلیان و هەدیس ئەباسی گریادن.

وەپەێ هەواڵ هسارە بڕێگ لە نۊسەرەیل و شاعرەیل، وە هەروەها تێکووشەریل و چالاکوانەیل شار ئسڵام­ئاباد لە دریژەێ هەوڵدان و تەقەلاێ فەرهەنگی خوەێان لە ئاکۆ جەلیلیان جور یەکێگ لە نۊسەرەیل و پسپووڕکارەیل کورد پارێزگاێ کرماشان وە هەروەها هەدەیس ئەباسی جور یەکێگ لە پارێزەرەیل ژینگە و تەقەلاکەرەیل گەنج لە ڕێ فەرهەنگ و زوان کوردی ئێ پارێزگا رێز گردن.

لەێ جەرخە ک لە ماڵ بەڕێز جەلیلیان وە ڕێیەو چی بەشدارەیل یەک لە دۊاێ یەک دەس خوەشی و ڕێزداری خوەێان ئاراستەێ ئاقاێ جەلیلیان و خانم ئەباسی کردن و جەختیش کردن ک فەرەتر لە یە پێویستە ک وە هۊر گەورایل و تێکووشەرەیل نیشتمانمان بۊمن وە هەروەها دی پێویست نییە ک لە یە فەرەتر چەوەڕێ ئدارەیل و بنکەیل فەرهەنگی دەوڵەتی جور ئدارەێ ئرشاد ئەڕاێ وەڕێیەو خسن جەرخەیل فەرهەنگی کوردی بۊمن.

لە دریژەێ ئێ جەرخە چەن کەس لەبەشدارەیل، هەڵبەستەیل و چیرۆک خوەێان پێشکەش کردن.

لە کۆتایی ئێ دانیشتنە وە گوڵ و تەقدیرنامە و خەڵاتەیلێگ لە تێکووشان ئاکۆ جەلیلیان و هەدیس ئەباسی قەێرزانی کریادن.

مەتن تەقدیرنامەگان لە پامان ئێ گوزارشە ئەڕاێ بەردەنگەیل بەڕێز ماڵپەڕ هسارە دانایمنە.

.

.

 

 

وە ناو خوداێ بەرز و بێ­ وێنە

 

             گوێم لە هاواری نەتەوەکەمە

                               بەڵام دڵنیام جیهانی سبەی گۆشاد و ڕوونە

                                                                      لە دایک بوونی منداڵم دیوە

                                                                                  قیژە و لنگ کوتان یەکم نیشانەی لە دایک بوونە

نۊسەر و پسپووڕکار بەڕێز و زانا :

مامۆستا ئاکۆ جەلیلیان

لە ترنگەێ وەفراو، لە ڕێزەێ واران، لە چۊزەێ تازەێ داراەیل جاران لە ساڵەیلێ گ دەنگ بەرز فەرهەنگ و زوان ناوچەمان کەس نەژنەفت، تریوەێ پێنۊس ڕەنگیند ئاسووەیل فەرهەنگ و ئەدەب نیشتمانمان ڕازانەوە.

سەربەرزیمن گ دەنگ سەربەرزیید هێمان لە وڵات فەرهەنگ پاێار کوردەواری ئەژنەویمن وەێ بوونەوە ڕێز و سپاس خوەمان ئاراستەێ بەڕێزدان کەیمن.

                                                           بڕێگ لە لاێەنگرەیل فەرهەنگ و ئەدەب کوردی شار ئسڵام ئاوا

 

………………………………………………

 

وە ناو خوداێ بەرز و بێ وێنە

 

             گوێم لە هاواری نەتەوەکەمە

                               بەڵام دڵنیام جیهانی سبەی گۆشاد و ڕوونە

                                                                      لە دایک بوونی منداڵم دیوە

                                                                                  قیژە و لنگ کوتان یەکم نیشانەی لە دایک بوونە

خاتۊن بەڕێز:

    هەدیس ئەباسی

ژیان پرچ و پاک هونەرە و ژینگەێ پرچ و پاک هونەر هونەرمەندەیلێگە گ له ژیان ڕێز گرن، ڕێز ژینگە ڕێز ژیانە.

 هەوڵدان و تەقەلاێ بێ­وچاند لە باوەت پارێزانن ژێنگەێ رەنگین و زامدار نیشتمانمان وە هەروەها هەوڵداند لەڕێ زوان داڵگی جی ڕێز و هورمەتە ئەڕامان وەێ بوونەوە ڕێز و سپاس خوەمان ئاراستەێ بەڕێزدان کەیمن.

 

 

 

 

 

                                                           بڕێگ لە لاێەنگرەیل فەرهەنگ و ئەدەب کوردی شار ئسڵام ئاوا

چاوێک بخشێنە بۆ ....

پەێام ماڵپەڕ هسارە وە بوونەێ هاتن نەورووز ۲۷۱۹

نەورووز ڕووژ سەرکەفتن نـۊر وە سەر تیەریکی و کاوە وە سەر زەهاکە . ڕووژ دەس …

یک زۆر خوێندراو

  1. ده‌سخوه‌شی که‌م له‌ چالاکه‌یل ئه‌نه‌بی و فه‌رهه‌نگی شار شاباد ئڕا ئێ کار خاس و وه‌نرخه‌. ئیمه‌ باێه‌س هه‌ر ئه‌و جوره‌ گ قه‌ێر زان زامه‌ته‌یل و ته‌قه‌لایل گه‌ورایلێگ له‌ێواێ ماموستا ئاکۆ جه‌لیلیان هه‌یمن و باێه‌س بۊمن ڕێز له‌ چالاکی و ته‌قه‌لاێ جه‌وانه‌یلێگ له‌ێواێ خاتۊن عه‌باسی هه‌م باێه‌س بگریمن.

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. * بخش‌های موردنیاز علامت‌گذاری شده‌اند *