هساره
خەت کیشم
خەتێگ کیشم
له شوونێ چم
چم و قول خەمه کووڵ خەتەگەێا
هەدی چم
ئەسپ چوین مناڵی وه ئاسمان ڕەسنێدەم!!؟
لەێره نه
له خوەم چم
خەت خەتان و چێن بووده مدوو سوارێگ
سوارێگ باڵەو گرێد
بێشک هه لەێواسه
خەتێگ کیشم
ت هه خوەد له شوونم کیشیەید و کیشد تێد
هه لەێواسه خەت
جوور جاده ئاێەم بەێد کڕنێد و کیشید
کیشیدەد جوور وا
هه بەێدەد و گەها وه هیچ شونێگا
نەڕەسنێدەد ئێ تووفانه
ئمجا بەێد و بەێد
چم و چم
زخاڵێگ دەسد سییه بکەێد
ڕۊدیش . . .
بێ ئێلا و ئەولا
خەت کیشم
خەتێگ کیشم و
وه ڕۊ سییەوه چمه گژ ژیانا
چمه دەر درانەێ خوەرئاواێا
خەت کیشم
هەر خەت کیشانێگ
وه شەوار ڕەسنێدەم بێهچان
هەر ژیانێگ وه مردن بێهچان
هەوسڵه که خوەێ تێد
بوو هەڵکیشێد
سەر خەتەگه دۊنێدەو
دۊنێدەو هاوارێگ له رۊد
دۊنێدەو زخاڵێگ له قول مشتد
م خەت کیشم و چم
له کیس خوەم
له کیس خوەم چم و خەت کیشم
…………………..
