ماڵپەڕی هسارە / ئەدەبیات / شێعر / شێعرنوو / من قابەم – هەڵوەسێگ لە باران میلان

من قابەم – هەڵوەسێگ لە باران میلان

 

هەڵگەڕانن وە کوردی: هادی هشمەتی

=====================

شەرەف پیاگەم لە ناو گەڵم بانانێ ڕەسییە

هەر ڕووژ قابە‌تر لە دۊیەکەم

گ ڕووژێ ژنایەتیێگ لە ناوم ئەمرێ

گ ڕووژێ ئافرەتێگ لە چین م، وە خنجەر نامووس هەڵدڕێ

وە جیای گشت ژنەیل دنیا، م بکوشن.

من تەک هەرچێ ها لەێ دنیا، هاوجییم

وەل خەم نان هاوجییم

تەک بێ‌وڵات‌بۊن هاوجییم

وەل تفەنگەگەدا

تەک سەنگەرەگەد

وەل دەروەدەریەگەد، ساڵەیل‌ساڵە هاوجییم.

تەک زامەگاند

وەل چەقیڕەێ جردەگاند

تەک ئاشپەزخانە هاوجییم

من وەل پێنۊسا هاوجییم

تەک خەونەیلێ ک ئەنۊسم

وەل پرتووک هەڵوەسم،دۊر لە چەوەیلد،هاوجییم

تەک تۆنا ک ناتوامەد، هاوجییم.

لە من قابەتر ناۊنیدەو

من تەک گوڵەیاسەگان،

وەل بوو‌بەرام باخ،

تەک تەنیاییا،

وەل گزگ،

تەک وجاخ و سەماوەر،

وەل پیاڵەێ چایا هاوجییم.

ئمزا کەن

تکاکارام، تکا ئەکەم ئمزاێگ ئەێرە

نا نا، ئمزایگ ئەورە

۲۵ نۆڤامبر، تیزانەتر لە ڕووژەیل ویەردە

ئیوە باینوو پیرەیل، ئمزا کەن

ئیوە باینوو پەیخەمەر، ئمزا کەن.

منێ ک ئایین کوچگ‌بارانم کرد

منێ ک ڕێ‌و‌ڕەسم(نەریت) کردەمە گوونی

هەرماێ ئەکوشنەم.

بەرجە یەکە درەنگ بوو.

گ ڕووژێ خنجەرێ قوڕگم هەڵدڕێ

گ ڕووژێ پووکێگ ئەکوترێدە بان سەر‌بەچگم

گ ڕووژێ کوچگێگ ئەیادە کەپووڵ سەرم

گ ڕووژێ شەرەف ئەکوشێدەم

گ ڕووژێ نامووس ئەژەنێدەم

ئیمڕوو، لە گ ڕووژێ قابەترم.

ئەونە تەک تەنیاییا وە بان یەێ پێخەف بۊمە

هۊچ لە شەرەف و ئابڕوود نەمەنێیە.

ئەونە وەل واژاوە و وەڕەداوەی ئاوینێ ک لە لێم سەنی(گلەو دای) هاوجییم،

ئەر هەر ڕووژیش بکوشیدەم، هەم بێ‌شەرەفی.

ئەونە بار کووڵم لە ناو مەرزەیل گردمە باوەشەو، دی باوەشم لە ڕۊد ناکرێدەو

ئەونە خوەم داپووشانم ک دی

ڕەنگینیش نەتێدە خەوم.

من ڕووژ لە دۊیای ڕووژ قابەترم

من هەر ڕووژ قابەیگم.

من تەک خەم کوورپە و قونداخەگەێ

وەل قونداخ تفەنگەگەد

تەک بێ‌بانان بۊنمان

وەل بێ‌وڵات‌بۊنمان

تەک کیف‌مەدرەسەی بەتاڵ شاگردەگەم

وەل ژان و وەل زاما

تەک ئاخ و تەک خەون خوەشیەگان هاوجییم.

بکوشەم

لە من قابەتر ناۊنیدەو.

بنووڕە چەوەیلم

نووڕستنم بۊنە

ئەفامی ک:

شەکەتم لە نامووس ناجسند

بێزارم لە شەرەف دەسخوازد

بێزارم

بێزارم

بێزارم

چاوێک بخشێنە بۆ ....

رێورەسمی کردنەوە و دەسبەکاربوونی بنکەی فەرهەنگی ئەدەبیی وارین‌ لە کرماشاندا

به‌پێی راپورتی لێژنەی راگەیێنەریی بنکەی فەرهەنگی ئەدەبی وارین‌ی کرماشان، ئەم بنکەیە هاوکات لەگەڵ رێوڕەسمی بەفەرمیی …

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. * بخش‌های موردنیاز علامت‌گذاری شده‌اند *