ماڵپەڕی هسارە / ئەدەبیات / شێعر / شێعر کڵاسیک / دار بڕیاێ – بەرهەم تازەێگ لە ئەلا موراد جەباریان ( خەمبار )

دار بڕیاێ – بەرهەم تازەێگ لە ئەلا موراد جەباریان ( خەمبار )

بڕێگ  کـووه‌و بۊن ، له‌ سـاێ یـه‌ێ دارێ              هـه‌ر کـــام هۊره‌و  کرد چوه‌ لـێ ده‌ربارێ

یه‌کــێ لێیـان وه‌ت ، کــه‌مــه‌ێ وه ‌سازێگ           ژه‌نم تـا دڵ خوه‌ش ، بــوودن   ته‌نـازێگ

گاس یه‌ێ جار نه‌رم بۊ ، دله‌ێ چۊ سانێ             ئـــه‌و دی بـــۊ ئــومێد ، لــه وڵام دانــێ

یه‌کی تر وه‌ت من ، کـه‌مـه‌ێ وه‌ قـه‌فه‌س             له‌تێ ئه‌سیر کــه‌م ،هه‌رچێ هه‌وچی هه‌س

نه‌گ یه‌ێ وه‌خت په‌خش بوود قسیه‌ێ وه‌ دروو     سه‌رکرده‌ێ گه‌وره‌م،خه‌و لێ هه‌رام بوو

ئه‌واکه‌  وه‌ت من، زانی چـــوه‌ پێ کــه‌م               که‌مــه‌ێ ‌وە منبه‌ر، لـه‌ مەسجـد داێ نـه‌م

یــه‌كێ وه‌ت یاران ، بکـــه‌یمـــه‌ێ وه‌ دار               هـــه‌ڵوه‌سیم لــه‌ قــــه‌ێ ، هه‌زاران هه‌زار

تا گــــه‌ر جــــارێ تر ، مـــــه‌ردم هــه‌ژار                ده‌نگـێان ئـه‌و بــان نــاێ ، بکـه‌نه‌‌ێ هاوار

بۊشن سه‌ربـــه‌خـــوی ، مـــاف گـه‌لانه‌                 چاره‌‌ێ خــۆ نووسین ، سه‌روێ هـــه‌مـوانه

یه‌کــێ تر له‌وان ، وه‌ت کــه‌مه‌ێ  بـه‌ڵـه‌م              دۊره‌و کــه‌م مه‌ردم ، له‌ ناو دورگه‌ێ خه‌م

بـه‌مــا‌ن‌ وه‌و جێیە ، زوڵـــم لـــه‌ تێ نییه‌                لانــــکـه‌ێ ئـــــازادی و  بــــراێـــه‌تییـــه‌

ئــه‌و یه‌کی وه‌ت م ، کــه‌مـه‌ی وه‌ قه‌ڵـه‌م              ده‌مـه‌ێ وه‌ ده‌س ، یه‌ێ خــاوه‌ن جه‌ڵـه‌م

تاگــه‌ر نیشان به‌ێ ، زه‌خم رۊ جه‌سه‌ێ                ئـــــه‌و بێچاره‌ێگــــه‌ ، تا رووژێگ هه‌سه‌ێ

ده‌رمــه‌نـه‌ێگ تـه‌نیـا ، جورم و تـــاوانــێ                نـــانێــــگه‌ ئــــۊیـــه‌ ، نــــاینـه‌ داوانـــێ

ئێره‌نگه‌یش خاهش ، م کــه‌م لــه ئـۊیـــه‌               هه‌ر  کـام لــه‌و ڕێیه‌ ، زانین خــاس بۊیه‌

بێ هۊچ ترس و کـووم ، بگرن لــه‌ وه‌ر                  سابت کــه‌ن  دیـرین ، جه‌ڵــه‌م و جه‌وه‌ر

خه‌مبار خوه‌ش دێرێد ، بکه‌ێده‌ێ وه‌ ساز               بــــژه‌نێ نــــه‌واێ ، پـــڕ ســوزو گــــوداز

به‌ڵکه‌م په‌پـووله‌ێ ، لا بگــرێه‌ لاێ شه‌م               وه‌رج له‌ یه‌ ئاو بوو ، لاشه‌گه‌ێ کــه‌م که‌م

قـه‌سه‌م وه‌‌و خـودا ، گیان له‌ گیانم ناس               ئـــڕاێ ئشق پـــاک ، دڵــم لــــه‌کـه‌ داس

 

 

 

چاوێک بخشێنە بۆ ....

“تمامِ تخت ،خوابِ تورامي بيند ” – شعر: لیلا درخش – برگردان: فرشاد سلیمی

تمامِ تخت ،خوابِ تورامي بيند ازنازتاناله ازجيغ تادستي براي هيس   جان مي گيردازحياتِ يحيي …

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. * بخش‌های موردنیاز علامت‌گذاری شده‌اند *